BJP : మర్రి రాజకీయం ఇక ముగిసినట్లే.. నిర్ణయం అదేనా?

సీనియర్ నేత మర్రి శశిధర్ రెడ్డి బీజేపీలో నామమాత్రంగానే ఉన్నారు. కాంగ్రెస్ పార్టీని వీడి బీజేపీలో చేరిన తర్వాత ఆయన రాజకీయంగా పెద్దగా కనిపించడం లేదు. అలాగే పార్టీ కార్యక్రమాల్లో కూడా పాల్గొనడం లేదు. 2022లో మర్రిశశిధర్ రెడ్డి కాంగ్రెస్ పార్టీని వీడి బీజేపీలో చేరారు. అయితే ఇటు బీజేపీ రాష్ట్ర నాయకత్వం కాని, అటు కేంద్ర నాయకత్వం కానీ ఆయనను గుర్తించిన పాపాన పోలేదు. కాంగ్రెస్ పార్టీలో సుదీర్ఘకాలం ఉన్న మర్రి కుటుంబం ఆయన తండ్రి నాడు ఉమ్మడి ఆంధ్రప్రదేశ్ కు ముఖ్యమంత్రిగా పనిచేశారు. తర్వాత ఆయన రాజకీయ వారసత్వాన్ని మర్రి శశిధర్ రెడ్డి అందుకున్నారు. 1994చ 2009లో మర్రి శశిధర్ రెడ్డి సనత్ నియోజకవర్గం నుంచి కాంగ్రెస్ అభ్యర్థిగా గెలుపొందారు.