నేడు కోమటిరెడ్డి నిర్ణయం

కోమటిరెడ్డి రాజగోపాల్ రెడ్డి పార్టీ మారతారన్న ప్రచారం గత కొంత కాలంగా జరుగుతుంది. మునుగోడు కాంగ్రెస్ ఎమ్మెల్యేగా ఉన్న ఆయన సీఎల్పీ సమావేశాలకు కూడా దూరంగానే ఉన్నారు. రేవంత్ రెడ్డి నాయకత్వాన్ని ఆయన విశ్వసించడం లేదు. బీజేపీలో చేరతారన్న ప్రచారం బలంగా జరుగుతుంది. ఆయన కొద్ది రోజుల క్రితం అమిత్ షాను కూడా ఢిల్లీలో కలసి వచ్చారని ఆ మధ్య ప్రచారం జరిగింది. ఈ నేపథ్యంలో కోమటిరెడ్డి రాజగోపాల్ రెడ్డి ఇవాళ ఎలాంటి నిర్ణయం తీసుకుంటారోనన్నది ఆసక్తికరంగా మారింది. కార్యకర్తల అభిప్రాయం మేరకే తాను నడుచుకుంటానని, తాను ఏ నిర్ణయం తీసుకున్నా వారికి చెప్పే చేస్తానని గతంలో కోమటిరెడ్డి రాజగోపాల్ రెడ్డి చెప్పిన నేపథ్యంలో ఉత్కంఠ నెలకొంది.