KCR : సిట్ నోటీసులకు కేసీఆర్ లేఖ.. తాను హాజరుకాలేనంటూ?

రాష్ట్రంలో మున్సిపల్ ఎన్నికలు జరుగుతున్నందున, నేడు నామినేషన్లకు చివరి రోజు కావడంతో తాను హాజరు కాలేదని తెలిపారు. మున్సిపల్ ఎన్నికలు పార్టీ గుర్తులపై జరుగుతన్నాయని, బీఆర్ఎస్ పార్టీ అధినేతగా తాను కొన్ని ముఖ్యమైన ఫారాలపై సంతకాలు చేయాల్సి ఉన్నందున శుక్రవారం విచారణకు హాజరు కాలేనని తేల్చి చెప్పారు. తాను శుక్రవారం హైదరాబాద్ లోనే కాదు.. ఎక్కడా హాజరు కాలేనని కేసీఆర్ ఆ లేఖలో పేర్కొన్నారు. ఈరోజు కాకుండా ఏ రోజు వచ్చి అయినా తనను విచారణ చేసుకో వచ్చని లేఖలో పేర్కొన్నారు.

అయితే తాను హైదరాబాద్ కు రావడం లేదని, మరో రోజు ఎప్పుడైనా ఎర్రవెల్లి ఫామ్ హౌస్ కు వచ్చి తనను విచారించుకోవచ్చని కేసీఆర్ లేఖలో పేర్కొన్నారు. సీఆర్పీసీ సెక్షన్ 160 ప్రకారం తనకు అనుకూలమైన తేదీని ముందుగానే నిర్ణయించి తెలియజేయాలని అన్నారు. ప్రస్తుతం తాను సిద్ధిపేట జిల్లా ఎర్రవల్లి గ్రామంలో నివాసముంటున్నానని అక్కడకు వచ్చి విచారించుకోవచ్చని, అయితే ముందుగా ఇచ్చిన నోటీసుల మేరకు ఈ రోజు మాత్రం తాను విచారణకు రాలేనని,అలాగని తాను చట్టానికి కట్టుబడి ఈ కేసులో విచారణకు సహకరిస్తానని తెలిపారు. దీంతో నేడు కేసీఆర్ విచారణను సిట్ అధికారులు చేపట్టనన్నట్లు తెలిసింది. మరొక సారి నోటీసులు ఇచ్చే విచారణ చేసే అవకాశముంది.