ఆ వలలో ఎవరూ పడొద్దు : కేసీఆర్

రైతులు తమ గ్రామాల్లోనే విక్రయించుకునే సదుపాయం ప్రభుత్వం కల్పించిందని, దీని వెనక పరమార్థం ఉందని ఆయన వివరించారు. చెల్లాచెదురైన రైతాంగం తిరిగి ఒకచోట చేరి వ్యవసాయంలో అద్భుతమైన ప్రగతిని సాధించాలన్నదే ప్రభుత్వ ఉద్దేశ్యమని కేసీఆర్ వివరించారు. ఐదేళ్లలోపు మిషన్ భగీరధ ద్వారా ఇంటింటికి నల్లాను అందిస్తానని చెప్పానని, లేకుంటే వచ్చే ఎన్నికలలో ఓట్లు అడగనని కూడా చెప్పిన విషయాన్ని ఆయన గుర్తు చేశారు. ఇలా చెప్పడానికి ధైర్యం, సాహసం అవసరమని కేసీఆర్ అన్నారు. మాయ మాటలకు పడిపోవద్దని అన్నారు. చివరకు దీపావళి టపాసులు కూడా చైనా నుంచేనా? ఇదే మోదీ చెప్పిన మేక్ ఇన్ ఇండియా అని ఆయన ప్రశ్నించారు. ఎన్‌పీఏల పేరిట కార్పొరేట్ సంస్థలకు కోట్లు దోచి పెట్టారన్నారు. పేద ప్రజలకు సంబంధించిన సంస్థలను మాత్రం తెగనమ్ముతున్నారని ఫైర్ అయ్యారు.