Kalvakuntla Kavitha : కవిత ఇక వారి ట్రాప్ లో పడరట.. రోడ్ మ్యాప్ ఫిక్స్ చేసుకున్నట్లే

తెలంగాణ జాగృతి ఇప్పటికే ప్రజల్లో బలంగా ఉన్నందున అదే పేరుతో పార్టీ పెడతారన్న ప్రచారం ఊపందుకుంది. స్థానిక సంస్థల ఎన్నికలకు దూరంగా ఉండి వచ్చే శాసనసభ ఎన్నికల లక్ష్యంగానే ఆమె కొత్త పార్టీకి రూపకల్పన చేయాలని భావిస్తున్నారని సన్నిహితులు చెబుతున్నారు. లోకల్ బాడీ ఎన్నికల్లో పోటీ చేయడం కంటే ఏకంగా శాసనసభ ఎన్నికల బరిలోకి నేరుగా దిగడమే మంచిదన్న భావనలో ఉన్నారు. అందుకోసమే తన ఆమె లీగల్ టీం ఇప్పటికే పార్టీ పేరుతో రిజిస్టర్ చేయించడంతో పాటు ఎన్నికల కమిషన్ ఎదుటకు వచ్చే ఏడాది ఆరంభంలోనే వెళ్లనున్నారని తెలిసింది. ఇందుకోసం అనేక పేర్లను సూచిస్తున్నప్పటికీ తెలంగాణ జాగృతి అన్న పేరు ఉంటేనే బాగుంటుందని నే ఎక్కువ మంది అభిప్రాయపడుతున్నారు.

కల్వకుంట్ల కవిత తన జిల్లాల పర్యటనలో అన్ని వర్గాలతో మమేకం అవుతున్నారు. రైతులు, మహిళలు, బీసీలు ఇలా ఒక వర్గానికి చెందిన పార్టీ అనే ముద్రపడకుండా ఆమె జాగ్రత్తలు తీసుకుంటున్నారు. అలాగే తన తండ్రి కేసీఆర్ ముద్ర కూడా పార్టీపై లేకుండా చూసేందుకు ఆమె ఎక్కువగా ఇష్టపడుతున్నారు. కేసీఆర్ కు పోటీగా కాదని, తెలంగాణ కోసమేనని ఆమె ప్రజలకు చెప్పే ప్రయత్నంలో ఉన్నట్లు కనపడుతుంది. ముఖ్యంగా ఆమె ఆగ్రహమంతా కేసీఆర్ చుట్టూ ఉన్న నాయకులపైనే ఉంది. అయితే తనను తిరిగి పార్టీలోకి ఆహ్వానించినా తాను వెళ్లనని సన్నిహితుల వద్ద గట్టిగా నొక్కి చెబుతున్నారట. తాను వారి ట్రాప్ లోపడబోనని, తన మార్గం తనకుందని కవిత క్లారిటీ ఇస్తున్నట్లు సమాచారం. మొత్తం మీద కల్వకుంట్ల కవిత మాత్రం ఒక రోడ్ మ్యాప్ తోనే రాజకీయంగా ముందుకు వెళ్లాలని ప్లాన్ చేస్తున్నట్లు కనపడుతుంది.

.