Hydra : హైడ్రా కమిషనర్ తాజా కామెంట్స్ ఇవే.. కూల్చేవి ఇవేనట

అవి నివాసాలు అయినా సరే.. జులై తరువాత నిర్మాణం జరుగుతుంటే వాటిని అక్రమ కట్టడాలుగా పరిగణించి కూల్చివేస్తామని తెలిపారు. కత్వా చెరువు , మల్లంపేట లో , అమీన్ పూర్ లో కూల్చివేత లు ఈ కేటగిరీ లోకి వస్తాయని చెప్పారు. పేదలను ముందు పెట్టి.. వెనుకనుండి చక్రం తిప్పుతున్న భూకబ్జాదారుల చర్యలను హైడ్రా తీవ్రంగా పరిగణిస్తుందన్నారు. న్యాయస్థానాల ఉత్తర్వులుంటే ఎలాంటి కట్టడాలైనా కూలుస్తామని తెలిపారు. - హైడ్రా ఆవిర్భావం తర్వాత అంటే జూలై 19 th 2024కు తర్వాత అనుమతి ఇచ్చి ఉన్నా, లేకున్నాఎఫ్.టి.ఎల్ పరిధి లో వుంటే కూల్చివేస్తామని రంగనాధ్ తెలిపారు. అనుమతులు ఇచ్చిన అధికారులను కూడా బాధ్యులను చేస్తామని చెప్పారు.