వైన్ షాపు టెండర్లకు అనూహ్య స్పందన.. ఇప్పటికే 6,913 దరఖాస్తులు

తెలంగాణ‌లో వైన్ షాపు టెండర్లకు అనూహ్య స్పందన వ‌స్తోంది. రాష్ట్రవ్యాప్తంగా ఇప్పటి వరకు 6,913 దరఖాస్తులు వచ్చాయని ఎక్సైజ్‌ శాఖ అధికారులు వెల్లడించారు. ఈ దరఖాస్తుల ద్వారా ప్రభుత్వానికి ఇప్పటికే రూ. 1400 కోట్ల ఆదాయం సమకూరినట్లు తెలుస్తోంది. గురువారం నాడు ఏకంగా 3,140 దరఖాస్తులు రావడం గమనార్హం. గ‌డువు తేదీ స‌మీపిస్తుండ‌టంతో ఆశావ‌హులు పోటీప‌డి ద‌ర‌ఖాస్తులు చేస్తున్నారు. ఈ నెల 18వ తేదీ ద‌ర‌ఖాస్తుల‌కు చివ‌రి తేదీ. ఈ నెల 21న డ్రా పద్ధతిలో వైన్ షాపులను కేటాయిస్తారు.

ఇదిలావుంటే.. రాష్ట్రంలో ప్రస్తుతం ఉన్న వైన్ షాపుల గడువు ఈ ఏడాది నవంబర్‌తో ముగియనుంది. ఈ నేపథ్యంలో వైన్ షాపులకు కొత్త లైసెన్సుల కోసం ప్రభుత్వం మూడు నెలల ముందుగానే టెండర్లు ఆహ్వానించింది. ఈ నెల 4వ తేదీ నుంచి 18వ తేదీ వరకు దరఖాస్తు చేసుకునేందుకు ప్రభుత్వం అవకాశం కల్పించింది.