Breaking: గ్రూప్ 1 ఫలితాలపై హైకోర్టు సంచలన నిర్ణయం

ఈ సందర్భంగా అడ్వొకేట్ జనరల్ వాదిస్తూ పదిహేనేళ్ల తర్వాత గ్రూప్ 1 పరీక్షలు జరిగాయని, అంతా సజావుగానే జరిగాయని అన్నారు. గ్రూప్ 1 పరీక్షల్లో రీవాల్యుయేషన్ అనేది లేదని హైకోర్టుకు తెలిపారు. సింగిల్ బెంచ్ ఇచ్చిన తీర్పు అసంబద్ధమని వాదించారు. గ్రూప్ 1 రూల్స్ ప్రకారం రీ వాల్యుయేషన్ లేదని, రీకౌంటింగ్ మాత్రమే ఉందని, ఈ పరీక్షలు పారదర్శకంగా జరిగాయని అడ్వొకేట్ జనరల్ వాదించారు. ఈ వాదనలను విన్న హైకోర్టు ధర్మాసనం సింగిల్ బెంచ్ తీర్పును సస్పెండ్ చేసింది. దీంతో గ్రూప్ 1 పరీక్షల్లో అభ్యర్థులకు, టీజీపీఎస్సీకి భారీ ఊరట లభించింది. తుది తీర్పునకు లోబడి నిర్ణయం ఉంటుంది. నియామకాలకు గ్రీన్ సిగ్నల్ ఇచ్చింది. విచారణను వచ్చే నెల పదిహేనో తేదీకి వాయిదా వేసింది.