అతి పెద్ద భూం స్కాం ఇది : హరీశ్ రావు

ప్రజలకు ఏం చేయాలనే ధోరణి కంటే కూడా, ఎక్కడ ఎంత దోపిడి చేయాలన్నదే రేవంతు ఆలోచన విధానం కొనసాగుతుందని అన్నారు. తమ హయాంలో అనుమతులు వార్తలు, పెట్టుబడుల వార్తలు వచ్చేవి. అమ్మకాల వార్తలు కాంగ్రెస్ హయాంలో వస్తున్నాయన్నారు. తమది నమ్మకాన్ని పెంచిన ప్రభుత్వం అయితే, కాంగ్రెస్ అమ్మకాన్ని పెంచిన ప్రభుత్వం అని హరీశ్ రావు అన్నారు. గజాల లెక్కన మొదలు కొని, వేల ఎకరాల దాకా ప్రతి ఇంచు భూమి అమ్మేస్తున్నారని రేవంత్ రెడ్డి పై హరీశ్ రావు ఫైర్ అయ్యారు. హౌసింగ్ బోర్డు లో ఉన్న ఆరు గజాలు, ఎనిమిది గజాలు కూడా అమ్ముతున్నారన్నారు. గతంలో ఇదే రేవంత్ రెడ్డి భూములు అమ్ముకుంటూ పోతే ఎలా, ఆసుపత్రులు, విద్యాలయాలు చివరకు స్మశానాలు ఏర్పాటు చేయడానికి కూడా భూములు మిగలవు అన్నారని గుర్తుచేశారు. నాడు సుద్దపూస లెక్క మాట్లాడి, ఇప్పుడు భూములు తెగనమ్ముతున్నారని హరీశ్ రావు ఆరోపించారు.