రాష్ట్ర గీతం పై వివాదం.. అభ్యంతరం చెప్పిన తెలంగాణ సినీ మ్యూజిషియన్స్ అసోసియేషన్

మన ఉద్యోగాలు మనకే రావాలి,మన అవకాశాలు మనకే కావాలి అనే నినాదంతో తెలంగాణ ఉద్యమం ఉవ్వెత్తున ఎగిసిందని, సకల జనుల సహకారంతో ఎంతో మంది అమర వీరుల త్యాగ ఫలంగా ఏర్పడిన తెలంగాణ రాష్ట్రంలో రాష్ట్ర గీతాన్ని పక్క రాష్ట్రాల వాళ్ళు పాడటమేంటి అని ప్రశ్నించారు.అలా చేయడం అంటే మన తెలంగాణ కళాకారులని అవమానించడమే అవుతుందని తెలంగాణ సినీ మ్యూజిషియన్స్ అసోసియేషన్ తెలిపింది. ఎంతో ప్రతిభావంతులు తెలంగాణాలో ఉన్నారని, తెలంగాణ కళాకారులకు ఈ గొప్ప అవకాశాన్ని ఇచ్చి తెలంగాణ కళాకారులకి గౌరవాన్ని ఇస్తారని ఆశిస్తున్నామని అసోసియేషన్ బహిరంగ లేఖ విడుదల చేసింది.