Sangareddy : సిగాచీ పరిశ్రమలో పేలుడు ఘటనలో పథ్నాలుగుకు పెరిగిన మృతుల సంఖ్య

మరొక వైపు సిగాచి పరిశ్రమవద్ద ఉద్రిక్తత నెలకొంది. పరిశ్రమ లోపలికి వెళ్లేందుకు కార్మికుల కుటుంబ సభ్యులు ప్రయత్నించారు. కానీ పోలీసులు ఎవరిని వెళ్లనివ్వడంలేదు. తమ వారి ఆచూకీ చెప్పాలని వారు డిమాండ్ చేస్తూ ఆందోళనకు దిగారు. దీంతో అక్కడ ఉద్రిక్త పరిస్థితులు నెలకొన్నాయి. గాయపడిన వారిని ప్రభుత్వ, ప్రయివేటు ఆసుపత్రులకు తరలించి చికిత్స అందిస్తున్నారు. ప్రమాదం జరిగిన సమయంలోమొత్తం 108మంది కార్మికులు విధుల్లో ఉన్నట్లు అక్కడ సిబ్బంది చెబుతున్నారు. ఇంకా కొందరిమంది పరిశ్రమలోపల చిక్కుకుపోయి ఉన్నారు. సిగాచీ రసాయన పరిశ్రమలో రాయాక్టర్ ఒక్కసారిగా పేలడంతో దాదాపు ఐదు నుంచి ఆరు కిలోమీటర్ల వరకూ పేలుడు శబ్దం వినిపించింది.

పరిశ్రమలో జరిగిన పేలుడు కారణంగా అక్కడికక్కడే ఐదుగురు మరణించగా మరో తొమ్మిదిమంది గాయపడి ఆసుపత్రిలో చికిత్సపొందుతూ మరణించారని అధికారులు తెలిపారు. పేలుడు ధాటికి వంద మీటర్ల దూరంలో కార్మికులు పడిపోయారు. రియాక్టర్ ఉన్న భవనం కూడా కూలిపోవడంతో పెద్ద ప్రమాదమే సంభవించింది. మృతదేహాలన్నీకాలిపోవడంతో గుర్తించేందుకు ఫోరెన్సిక్ నిపుణులు ఆసుపత్రికి చేరుకున్నారు. మార్చురీకి చేరుకున్న ఫోరెన్సిక్ నిపుణులు మృతదేహాలను గుర్తించే పనిలో పడ్డారు. మృతులు ఎక్కువ మంది ఒడిశా,బీహార్ కు చెందిన కార్మికులు ఉన్నట్లు తెలుస్తోంది. గాయపడిన వారందరికీ మెరుగైన వైద్య సౌకర్యాన్ని అందించాలని ప్రభుత్వం ఆదేశించింది. మంత్రుల బృందం కూడా ఘటన స్థలాన్నిపరిశీలించింది. ప్రభుత్వం కార్మికుల కుటుంబాలను ఆదుకుంటుందని చెప్పారు.