రైతుల ఆత్మహత్యలపై రేవంత్ ఘాటు లేఖ

ఈ ప్రభుత్వం ఎన్ని ఆత్మహత్యలు జరుగుతున్నా దున్నపోతుపై వర్షం పడినట్లు వ్యవహరిస్తుందని చెప్పారు. ప్రధానంగా ఖమ్మం, మహబూబాబాద్, కొత్తగూడెం, వరంగల్ అర్బన్, రూరల్, సూర్యాపేట్, నల్లగొండ జిల్లాల్లో 3.58 లక్షల ఎకరాల్లో మిర్చి పంట వేశారని తెలిపారు. అయితే ఈ ఏడాది తామర పురుగు, రసం పీల్చే పురుగు, ఎండు తెగులు వంటి సోకి పంట నాశనమయిందని రేవంత్ రెడ్డి లేఖలో పేర్కొన్నారు. ఈ ఏడున్నరేళ్ల పాలనలో 40 వేల మంది రైతులు ఆత్మహత్యలకు పాల్పడ్డారని రేవంత్ రెడ్డి లేఖలో తెలిపారు. ఆత్మహత్య చేసుకున్న కుటుంబాలకు పది లక్షల రూపాయల పరిహారం ఇవ్వాలని రేవంత్ డిమాండ్ చేశారు.