ఎలాంటి విచారణకైనా సిద్ధం

చివరకు ఫిర్యాదు ఇచ్చింది కూడా టీఆర్ఎస్ ఎమ్మెల్యేనే అని ఆయన అన్నారు. దీని వెనక ఒక పోలీసు అధికారి పన్నాగం ఉందని ఆయన ఘాటుగా విమర్శలు చేశారు. కమిషనర్ తన విధులు తాను నిర్వహించాలన్నారు. సీసీ టీవీ ఫుటేజీ మొత్తం బయటపెట్టాలని బండి సంజయ్ డిమాండ్ చేశారు. ప్రగతి భవన్ కు వారం రోజుల నుంచి ఎవరు వచ్చి వెళ్లారు? ఢిల్లీలో ముఖ్యమంత్రిని ఎవరు కలిశారు? ఈ నలుగురి ఎమ్మెల్యేల కాల్ లిస్ట్ లను బయటపెట్టాలని ఆయన డిమాండ్ చేశారు. ముఖ్యమంత్రి చెప్పిన స్క్రిప్ట్ వేరు.. జరిగింది వేరని అన్నారు. తాము దీనిని వదలిపెట్టమని, హైకోర్టును ఆశ్రయించి అయినా దీనిపై నిగ్గుతేల్చాలని కోరతామని తెలిపారు. దీనిపై ఎలాంటి విచారణకైనా సిద్ధమని బండి సంజయ్ అన్నారు.