అపోహలొద్దు.. నా మాట వినండి : కామారెడ్డి కలెక్టర్

మాస్టర్ ప్లాన్ పై ఉన్న అపోహలను వీడాలని ఆయన కోరారు. ఇది కేవలం డ్రాఫ్ట్ మాత్రమేనని, కౌన్సిల్ లో చర్చించిన తర్వాతనే రాష్ట్ర ప్రభుత్వానికి పంపుతారన్నారు. ఈ నెల 11వ తేదీ వరకూ కామరెడ్డి పురపాలక సంఘ కమిషనర్ కు తమ అభ్యంతరాలు తెలియజేయవచ్చనని తెలిపారు. దీనిపై ఎటువంటి ఆందోళన చెందాల్సిన అవసరం లేదన్నారు. ముసాయిదా ప్రకటన అన్ని చోట్లా చేశామని అన్నారు. ఎవరి భూములను తాము బలవంతంగా తీసుకోవడం లేదన్నారు. 2000లోనే ఈ ప్రతిపాదన వచ్చిందని ఆయన గుర్తు చేశారు. కొత్తగా భూములు ఎవరివీ పోవని తెలిపారు. మార్పులు చేయడానికి ప్రభుత్వం సిద్ధంగా ఉందన్నారు. పూర్తి పారదర్శకంతో పని చేస్తున్నామని తెలిపారు.