Telangana : తెలంగాణ కాంగ్రెస్ ఎమ్మెల్యే వసూళ్ల దందా వీడియో కలకలం

ఎన్నికల్లో కోట్లు ఖర్చు పెట్టానని, రికవరీ కావాలంటేమళ్ళీ ఎన్నికల్లో పోటీ చేస్తానో లేదో తెలియదని, రోజుకు తనకు లక్ష ఖర్చు అవుతుందని, డీజిల్ కు కూడా డబ్బులు లేవు, ప్రభుత్వం ఇచ్చే జీతం సరిపోవడం లేదని శామ్యూల్ అనడం వీడియోలో వినిపించింది. లిక్కర్ సిండికేట్ ఇచ్చే మాములు తనకు టీ ఖర్చులకు కూడా సరిపోవడం లేదని, తన మాట వినని వాని సంగతి చూస్తా నంటూ కాంగ్రెస్ ఎమ్మెల్యే మందుల శామ్యూల్ బెదిరించడం ఇప్పుడు వైరల్ గా మారింది. మరి దీనిపై ఎమ్మెల్యే ఎలాంటి వివరణ ఇస్తారన్నది చూడాలి. అదే సమయంలో పార్టీ అధినాయకత్వం కూడా ఎలాంటి నిర్ణయం తీసుకుంటుదన్నది ఆసక్తికరంగా మారింది.