రేవంత్ వ్యాఖ్యలకు కోమటిరెడ్డి కౌంటర్

అయితే ముఖ్యమంత్రి వ్యాఖ్యలను తప్పు పడుతూ ఎక్స్ వేదికగా రాజగోపాల్ రెడ్డి మెసేజ్ పోస్ట్ చేసారు. ప్రజల కోసం సామాజిక బాధ్యతతో పనిచేస్తున్న సోషల్ మీడియాను పాలకులు గౌరవించాలే తప్ప అవమానించడం సబబు కాదన్నారు. తెలంగాణ సమాజ ఆకాంక్షల మేరకు సోషల్ మీడియా మొదట్నుంచి తన శక్తి కొద్దీ పనిచేస్తూనే ఉందన్న ఎమ్మెల్యే కోమటిరెడ్డి రాజగోపాల్ రెడ్డి, నిబద్ధతతో పనిచేసే సోషల్ మీడియా జర్నలిస్టులకు తన మద్దతు ఎప్పుడూ ఉంటుందన్నారు. సోషల్ మీడియా జర్నలిస్టులను దూరం పెట్టాలంటూ ప్రధాన మీడియా వారిని ఎగదోయడం ముమ్మాటికీ విభజించి పాలించడమేనని ఆయన అభిప్రాయపడ్డారు. . ఇలాంటి కుటిల పన్నాగాలను తెలంగాణ సమాజం సహించదని ఎమ్మెల్యే కోమటిరెడ్డి రాజగోపాల్ రెడ్డి అన్నారు.