Telangana : కామారెడ్డి పై ఎన్నో ఆశలు.. హస్తం పార్టీ అంచనాలు అవేనా?

అందులో భాగంగానే ఈ నెల 15వ తేదన కామారెడ్డిలో బీసీ డిక్లరేషన్ విజయోత్సవ సభను నిర్వహించాలని తలపెట్టింది. ఇందుకోసం కాంగ్రెస్ పార్టీ సన్నాహక సమావేశాలను ఏర్పాటు చేసింది. వేదిక ఏర్పాటుతో పాటు జనసమీకరణపై కూడా మంత్రులు కామారెడ్డిలో పర్యటించి అక్కడి నేతలతో సమావేశమై వారికి దిశానిర్దేశం చేస్తున్నారు. ఈ సభకు కాంగ్రెస్ అగ్రనేత రాహుల్ గాంధీ, ఏఐసీసీ చీఫ్ మల్లికార్జున ఖర్గే, ప్రధాన కార్యదర్శి కేసీ వేణుగోపాల్, కర్ణాటక ముఖ్యమంత్రి సిద్ధరామయ్యలను కూడా ఆహ్వానించనున్నారు. కామారెడ్డికి సమీపంలో ఉన్న నియోజకవర్గాల నుంచి అత్యధిక సంఖ్యలో జనాన్ని తీసుకు వచ్చేందుకు సిద్ధమవుతున్నారు.

త్వరలో జరగనున్న స్థానిక సంస్థల ఎన్నికల్లో ఖచ్చితంగా బీసీలు క్రియాశీలకంగా మారతారు. అదే సమయంలో వారికి తగిన ప్రాధాన్యత కల్పించామన్న విషయం జనంలోకి వెళ్లాలి. అది వెళ్లగలిగితే బీసీ ఓటు బ్యాంకు మాత్రం తమకు అనుకూలంగా మారుతుందని అంచనా వేస్తున్నారు. అందులో భాగంగానే ఈ కామారెడ్డి సభను ఏర్పాటు చేశారు. గత అసెంబ్లీ ఎన్నికలకు ముందు కామారెడ్డిలోనే సభ పెట్టి అక్కడ కాంగ్రెస్ పార్టీ బీసీ డిక్లరేషన్ ఏర్పాటు చేసింది. నాడు ప్రస్తుత ముఖ్యమంత్రి రేవంత్ రెడ్డి కూడా పోటీ చేశారు. అయితే ఆయన గెలవలేదు. అయినా సరే డిక్లరేషన్ చోటనే తాము బీసీ రిజర్వేషన్లు అమలు చేశామని చెప్పేందుకు కామారెడ్డిని ఎంచుకుంది. కులగణన చేయడంతో పాటు దాని ఆధారంగా బీసీలకు నలభై రెండు శాతం రిజర్వేషన్లను తెచ్చామని చెప్పుకునేందుకు కాంగ్రెస్ ప్రయత్నిస్తుంంది. మరి ఈ కామారెడ్డి సభతో బీసీ ఓటు బ్యాంకు చేరువవుతుందా? లేదా? అన్నది చూడాలి.