జీహెచ్ఎంసీ కార్యాలయాన్ని ముట్టడించిన కాంగ్రెస్ నేతలు

ఉపాధి లేని పేద కుటుంబాలకు, కార్మికులకు పది వేల రూపాయల చొప్పున వెంటనే ఇవ్వాలని.. వరదల్లో మునిగిపోయిన ప్రాంతాలను వెంటనే పునరుద్ధరించాలని డిమాండ్ చేస్తూ మూడు వైపుల నుంచి ఏకకాలంలో జీహెచ్ఎంసీ కార్యాలయాన్ని కాంగ్రెస్ కార్యకర్తలు పెద్ద ఎత్తున ముట్టడించారు. లిబర్టీ చౌరస్తా, ఆదర్శనగర్, ట్యాంక్ బండ్ మూడు ప్రాంతాల నుంచి ఒకే సమయంలో జీహెచ్ఎంసీ వైపుగా పెద్ద ఎత్తున కాంగ్రెస్ పార్టీ కార్యకర్తలు దూసుకు వచ్చారు. ఈ సందర్భంగా జీహెచ్ఎంసీ కార్యాలయం వద్ద ఉద్రిక్త వాతావరణం నెలకొంది. పెద్ద ఎత్తున కాంగ్రెస్ కార్యకర్తలు జీహెచ్ఎంసీ కార్యాలయం గేట్లు దూకి లోపలికి వెళ్లేందుకు ప్రయత్నం చేశారు. కానీ పోలీసులు కాంగ్రెస్ కార్యకర్తలను అడ్డుకొని అరెస్ట్ చేసి స్థానిక పోలీస్ స్టేషన్ కి తరలించారు.