Weather Report : చలిగాలులు చంపేస్తున్నాయ్.. ఇంకా ఎన్ని రోజులంటే?

ఆంధ్రప్రదేశ్ లోనూ చలిగాలుల తీవ్రత పెరిగింది. ఎక్కువగా ఏజెన్సీ ఏరియాలో చలి ఎక్కువగా కనిపిస్తుంది. మరోవైపు చలి గాలులు పెరిగాయి. దీంతో గత రెండు రోజులుగా రాష్ట్రంలో చలి తీవ్రత పెరిగింది. ఇస్రో అంచనాల మేరకు మరో అల్పపీడనం ఏర్పడి వాయుగుండంగా మారకపోతే మరో పదిహేను రోజుల పాటు రాష్ట్రంలో పొడి వాతావరణ పరిస్థితులే ఉండే అవకాశాలున్నాయని అధికారులు చెబుతున్నారు. మరోవైపు ఈ ఏడాది గత ఏడేళ్ల కాలంలో ఎన్నడూ లేనంతగా చలి తీవ్రత ఎక్కువగా ఉండే అవకాశం ఉంటుందని నిపుణులు హెచ్చరిస్తున్నారు. రాష్ట్రవ్యాప్తంగా అన్ని జిల్లాల్లోనూ చలి ప్రభావం అధికమైంది. దాదాపు అన్ని జిల్లాల్లోనూ 20 డిగ్రీల లోపే రాత్రి ఉష్ణోగ్రతలు నమోదవుతున్నాయి. 10 జిల్లాల్లో 15 డిగ్రీలలోపే కనిష్ట ఉష్ణోగ్రతలు రికార్డయ్యాయి.

నవంబర్ 11వ తేదీ నుంచి 19వ తేదీ వరకు టు చలి తీవ్రత ఎక్కువగా ఉండే అవకాశం ఉందని హైదరాబాద్ వాతావరణ శాఖ హెచ్చరించింది. అనేక జిల్లాల్లో ఉష్ణోగ్రతలు సింగిల్ డిజిట్‌ వరకు పడిపోవచ్చంటున్నారు. ఆంధ్రప్రదేశ్ సరిహద్దు ప్రాంతాలకు సమీపంలోని దక్షిణ, తూర్పు తెలంగాణ జిల్లాల్లో మోస్తరు చలి, ఉష్ణోగ్రతలు 14 నుంచి 17 డిగ్రీల మధ్య ఉండవచ్చని అంచనా వేస్తున్నారు. సాధారణంగా ఇంత దీర్ఘకాలం చలి తీవ్రత తరచుగా ఉండదు, కానీ ఈ సంవత్సరం 8-10 రోజుల పాటు తీవ్రమైన చలి వాతావరణం ఉండనుంది. హైదరాబాద్‌లోనూ చలి వణికిస్తున్నది. ఉదయం 9 గంటల వరకు పొగమంచు ప్రభావం ఉంటున్నది.ప్రజలు అప్రమత్తంగా ఉండాలని, చలిగాలుల తీవ్రత వల్ల అనారోగ్యం ఎక్కువగా ఉంటుందని తెలిసింది.