Revanth Reddy : నా దగ్గర హైదరాబాద్ ఉంది.. మాకు ప్రపంచంతోనే పోటీ

నేదురుమిల్లి జనార్థన్ రెడ్డి హైటెక్ సిటీకి నాడు శంకుస్థాపన చేశారన్న ఆయన రాజీవ్ గాంధీ తీసుకొచ్చిన సంస్కరణలు మరింత హైదరాబాద్ నగరం అభివృద్ధికి దోహదపడ్డాయని అన్నారు. ముఖ్యమంత్రులుగా పనిచేసిన చంద్రబాబు, వైఎస్ రాజశేఖర్ రెడ్డిల కృషి కూడా హైదరాబాద్ నగర అభివృద్ధిపై ఉందన్నారు. హైదరాబాద్ నగరంలో మొత్తం మూడు నగరాలున్నాయని, నాలుగో నగరం వస్తుందని ఆయన అన్నారు. తన పదిహేను రోజుల విదేశీ పర్యటన ద్వారా రాష్ట్రానికి 31,500 కోట్ల రూపాయల పెట్టుబడులు సాధించామని తెలిపారు. దీనివల్ల వేలాది మందికి ఉపాధి అవకాశాలు లభిస్తాయని చెప్పారు. హైదరాబాద్ రింగ్ రోడ్డు ద్వారా సెమీ అర్బన్ ప్రాంతాన్ని అభివృద్ధి చేస్తామని తెలిపారు. హైదరాబాద్ తో పోటీ పడే నగరం మరేదీ లేదని ఆయన తెలిపారు.