Revanth Reddy : పదేళ్లు నేనే సీఎం.. ఇదే నామ.. కేసీఆర్.. గుండెల మీద రాసుకో

కేసీఆర్ తన పదేళ్ల కాలంలో తెలంగాణకు అన్యాయం చేశారని రేవంత్ రెడ్డి అన్నారు. కృష్ణా జలాలను ఏపీకి దోచి పెట్టారన్న రేవంత్ రెడ్డి ఏపీ వాళ్లు నీళ్లు తీసుకెళుతున్నా పట్టీపట్టన్నట్లు వ్యవహరించిన కేసీఆర్ తన గురించి మాట్లాడమేంటని ప్రశ్నించారు. దమ్ముంటే గోదావరి, కృష్ణా నదులపై తెలంగాణకు జరిగిన అన్యాయంపై చర్చ జరిపేందుకు అసెంబ్లీకి రావాలని కేసీఆర్ కు సవాల్ విసిరారు. ఈ పాలమూరు బిడ్డ మరో పదేళ్లు ముఖ్యమంత్రిగా ఉంటారని, ఫామ్ హౌస్ లో కూర్చుని తెలంగాణలో జరుగుతున్న అభివృద్ధిని చూసి కుమిలి కుమిలి ఏడవాలన్నారు. పదేళ్లు అధికారం ఇస్తే నీ ఇంట్లో వాళ్లకు కొలువులు ఇచ్చుకున్నావుకానీ, నిరుద్యోగ యువతను పట్టించుకోలేదని విమర్శించారు.

తాము అధికారంలోకి వచ్చిన యువతకు ఉద్యోగాలు ఇవ్వడం కోసం వరసగా నోటిఫికేషన్లు ఇస్తున్నామని తెలిపారు. అధికారంలోకి వచ్చిపది నెలల కాకముందు నుంచే పదవి నుంచి దిగిపోవాలంటూ లేస్తున్న వారికి ఒకే సమాధానం చెబుతున్నానని, తనను అడ్డుకునే కొద్దీ ఇంకాపైకిలేస్తానే తప్ప కిందపడనని రేవంత్ రెడ్డి గుర్తు చేశారు. శాపనార్ధాలు పెడితే పదవులు ఊడవన్న సంగతి గుర్తుంచుకోవాలన్నారు. ప్రజలు పాలించమని తమకు అధికారం ఇచ్చారని, ఇచ్చిన ప్రతి ఒక్క హామీని కూడా అమలు చేస్తున్నామని తెలిపారు. ఇప్పటికే ఇచ్చిన హామీలలో చాలా వరకూ పూర్తి చేశామని, ఇంకా మిగిలిపోయిన వాటిని కూడా అమలు చేస్తామని తెలిపారు.