Revanth Reddy : తెలంగాణలో వారందరికీ అదనపు ఇళ్లు.. గుడ్ న్యూస్ చెప్పిన రేవంత్

ఆదివాసీలకు ప్రత్యేకంగా ఇళ్ల కోటాను విడుదల చేస్తామన్నారు. నియోజకవర్గంలో 3,500 ఇళ్ల కేటాయింపుతో సంబంధం లేకుండా ఆదివాసీలు, గిరిజనులకు ప్రత్యేకంగా ఇళ్లను అదనంగా మంజూరు చేయనున్నట్లు రేవంత్ రెడ్డి తెలిపారు. తెలంగాణ మట్టిమనుషులు ఆదివాసీలేనని అన్నారు. వారికి ఇందిరమ్మ ఇళ్లలో ప్రత్యేక ప్రాధాన్యత ఇస్తామని చెప్పారు. తొలి ఏడాది మొత్తం నాలుగున్నర లక్షల మందికి పక్కా ఇళ్లు నిర్మించాలని భావిస్తున్నట్లు ఆయన తెలిపారు. గత పదేళ్లలో ఎన్ని ఇళ్లు నిర్మించారో చెప్పగలరా? అంటూ బీఆర్ఎస్ నేతలను రేవంత్ రెడ్డి ప్రశ్నించారు. ఇందిరమ్మ ఇళ్లలో నిబంధనలను సవరించి నిరుపేదలకు ప్రాధాన్యత ఇస్తున్నామని రేవంత్ రెడ్డి తెలిపారు.