Telangana : కొడంగల్ కు ముఖ్యమంత్రి రేవంత్ వరాలు

కొడంగల్ అభివృద్ధికి తాను కట్టుబడి ఉన్నానన్న ముఖ్యమంత్రి రేవంత్ రెడ్డి లగచర్ల రైతులను ఒప్పించి ఇక్కడ పరిశ్రమలను ఏర్పాటు చేసి వేలాది మందికి ఉపాధి అవకాశాలు కల్పిస్తామని చెప్పారు. కొడంగల్ అభివృద్ధికి అడ్డుపడే వారిని అడ్డుకోవాలని పిలుపు నిచ్చారు. కొడంగల్ నియోజకవర్గానికి త్వరలో కృష్ణానీటిని తెస్తామని, అలాగే ఈ ప్రాంత ప్రజలు ఏడు దశాబ్దాలుగా ఎదురు చూస్తున్న రైలు కూడా వచ్చే ఏర్పాట్లు చేస్తున్నట్లు ముఖ్యమంత్రి రేవంత్ రెడ్డి ప్రకటించారు. ప్రజలు రానున్న స్థానిక సంస్థల ఎన్నికల్లో మంచి నేతను ఎన్నుకోవాలని, ప్రభుత్వానికి సహకరిస్తూ కొడంగల్ నియోజకవర్గం అభివృద్ధికి తోడ్పడాలని పిలుపు నిచ్చారు.