వరంగల్: ఫ్లై ఓవర్ పై నుండి కిందకు పడ్డ కారు

వరంగల్‌లోని ఫ్లైఓవర్‌ నుండి కారు కిందపడడంతో ఇద్దరు మృతి చెందిన ఘటన ఆదివారం చోటుచేసుకుంది. వరంగల్‌ ఉరుసుగట్టు వద్ద ఖమ్మం బైపాస్‌ హంటర్‌ రోడ్డు ఫ్లైఓవర్‌ పై నుంచి కారు కిందపడింది. ఈ ప్రమాదంలో ఇద్దరు మృతి చెందగా, మరొకరికి తీవ్రగాయాలయ్యాయి. ఘటనా స్థలానికి చేరుకున్న పోలీసులు గాయపడిన వ్యక్తిని ఎంజిఎం ఆస్పత్రికి తరలించారు. అతడి పరిస్థితి విషమంగా ఉన్నట్లు సమాచారం. ఘటనకు గల పూర్తి వివరాలు తెలియాల్సి ఉంది. పోలీసులు కేసు నమోదు చేసి దర్యాప్తు చేపట్టారు.