KTR : కేటీఆర్ ఆ మాట ఎందుకన్నట్లు.. ఉప్పందిందా?

ఏసీబీ కార్యాలయానికి వచ్చే ముందు కేటీఆర్ బీఆర్ఎస్ పార్టీ ఎమ్మెల్యేలతో సమావేశమయ్యారు. న్యాయవాదులు కూడా ఈ సమావేశంలో పాల్గొన్నారు. దీంతో మరింత అనుమానాలు వ్యక్తమవుతున్నాయి. దీంతో పాటు పోలీసు బందోబస్తు కూడా పెంచడంతో పాటు నీలోఫర్ కేఫ్ ను మూడు గంటల పాటు మూసివేయాలని పోలీసులు ఆదేశించడంతో కేటీఆర్ ను ఈ రోజు అదుపులోకి తీసుకునే అవకాశముందన్న ప్రచారం ఊపందుకుుంది. అందువల్లనే రాష్ట్రంలోని అన్ని జిల్లాల నుంచి బీఆర్ఎస్ కార్యకర్తలు పెద్ద సంఖ్యలో తరలి వచ్చారు. ఏసీబీ కార్యాలయానికి తన న్యాయవాదితో చేరుకున్న కేటీఆర్ ను ఏసీబీ అధికారులు ప్రశ్నిస్తున్నారు. జనవరిలో ఒకసారి ఈ కేసులో విచారించి మరొక సారి విచారణకు పిలవడంతోనే ఈరకమైన సందేహాలు వ్యక్తమవుతున్నాయి.

అయితే స్థానిక సంస్థల ఎన్నికలకు వెళదామనుకుంటున్న కాంగ్రెస్ ప్రభుత్వం కేటీఆర్ అరెస్ట్ వంటి చర్యలకు దిగబోదన్నఅభిప్రాయం కూడా వ్యక్తమవుతుంది. ఈ నెలలోనే స్థానిక సంస్థల ఎన్నికల షెడ్యూల్ విడుదలవుతుందని మంత్రులు పదే పదే చెబుతుండటంతో ఇప్పుడు కేటీఆర్ ను అరెస్ట్ చేసే అవకాశం లేదని అంటున్నారు. మరొకసారి విచారణకు పిలిచే అవకాశాలున్నాయని న్యాయ నిపుణులు చెబుతున్నారు. మొత్తం మీద కేటీఆర్ అరెస్ట్ అవుతారంటూ వస్తున్న వార్తలు ఒకవైపు వస్తుండటంతో పెద్దయెత్తున కార్యకర్తలు తరలి వస్తుండటంతో వారిని కంట్రోల్ చేయడం పోలీసులకు కష్టంగా మారింది. మొత్తం మీద ఏసీబీ కార్యాలయం పరిసర ప్రాంతాల్లో ఉద్రిక్తత నెలకొంది.