Kalvakuntla Kavitha : కేసీఆర్ కు కవిత ఘాటు లేఖ.. ఆరు పేజీలతో సమస్తం ప్రస్తావిస్తూ

బీజేపీ వల్ల తాను ఎంత నరకం అనుభవించానో తెలిసి కూడా ఆ పార్టీపై ఎందుకు విమర్శలు చేయలేకపోయారని కేసీఆర్ కు లేఖలో కోరారు. 2001 నుంచి పార్టీలో ఉన్నవారితో వేదికపై మాట్లాడకపోవడం ఏంటని కూడా కవిత ప్రశ్నించారు. సామాజిక తెలంగాణ ఇప్పటి వరకూ రాకపోవడానికి కారణాలు కూడా చెప్పాలని కల్వకుంట్ల కవిత లేఖలో నిలదీశారు. పార్టీ లీడర్లకు సరైన ప్రాధాన్యత ఇవ్వకపోవడంపై కూడా కవిత అభ్యంతరం చెప్పారు. వక్ఫ్ బిల్లుపై మాట్లాడకపోవడాన్ని కడా కవిత తప్పుపట్టారు. పాత ఇన్ ఛార్జులకే లోకల్ బాడీ బీపాం లు ఇవ్వడానికి కారణాలు ఏంటని కూడా కవిత ప్రశ్నించారు. వరంగల్ సభలో పంచ్ లు లేకుండా ఎందుకు ముగించారని కవిత అన్నారు.

రేవంత్ రెడ్డి పేరును కూడా ప్రస్తావించకపోడం ఎందుకని ఆమె అన్నారు. అలాగే ఎస్సీ వర్గీకరణపై ఎందుకు మాట్లాడలేదని కూడా ఆమె లేఖలో కేసీఆర్ ను నిలదీశారు. తెలంగాణ తల్లి విగ్రహాన్నిమార్చడంపై కూడా ఎందుకు మాట్లాడలేదని కూడా కవిత లేఖలో ప్రస్తావించారు. బీజేపీపై కేవలం రెండునిమిషాలు మాట్లడటం అందరినీ ఆశ్చర్యపర్చిందని అన్నారు. బీజేపీని టార్గెట్ చేస్తారనుకున్నా అది ఎందుకు చేయలేకపోయారన్నారు. తెలంగాణ గీతం విషయాన్నికూడా ప్రస్తావించకపోవడాన్ని తప్పుపట్టారు. కవిత లేఖ బీఆర్ఎస్ లో సంచలనం రేపిందని చెప్పాలి. సొంత కుటుంబంలోనే ఈ లేఖ చిచ్చు పెట్టిందన్న కామెంట్స్ బహిరంగంగా వినపడుతున్నాయి. కవిత మై డియర్ డాడి అంటూనే లేఖలో కేసీఆర్ పై దాడికి దిగినట్లయింది.