రేవంత్ పై హైకమాండ్ కు నమ్మకం లేకనే..?

ప్రతి నెల ఒకటో తేదీన ప్రభుత్వ అధికారులకు జీతాలు చెల్లిస్తున్నామని చెప్పడం సత్యదూరమని హరీశ్‌రావు అన్నారు. చాలా మందికి ఈరోజు కూడా జీతాలు రాలేదన్న హరీశ్ రావు జనవరి నెలలో ఆసరా పింఛన్లను కూడా ఈ ప్రభుత్వం ఇవ్వలేదని అన్నారు. బీఆర్ఎస్ నేతలను తక్కువ చేసిచూపించడానికి రేవంత్ చేసిన ప్రయత్నాలు ప్రజలు గమనిస్తున్నారని అన్నారు. తెలంగాణ ఉద్యమం గురించి రేవంత్ రెడ్డికి తెలియదన్న హరీశ్ ఆయన ఏనాడైనా ఉద్యమానికి మద్దతిచ్చారా? అని ప్రశ్నించారు. ఇప్పటికీ సాగర్ డ్యాంపై ఏపీ పోలీసులు కాపలా ఉన్నారని, వారిని ఎందుకు పంపించడం లేదని ఆయన ప్రశ్నించారు.