Harish Rao : హరీశన్నా..మీ మామకు నాడు చెప్పాల్సిందిగా?

బీఆర్ఎస్ నేత హరీశ్ రావు అధికారంలో ఉన్నప్పుడు ఒకలా, లేనప్పుడు మరొకలా మాట్లాడుతున్నారు. ఎదుటి వారికి చెప్పేటందుకే నీతులున్నాయి అన్నట్లు మాట్లాడుతున్నారు. గతంలో వాళ్ల మామ ముఖ్యమంత్రిగా ఉన్న సమయంలో ఎంత క్లిష్ట పరిస్థితుల్లోనైనా బయటకు రారు. ప్రగతి భవన్ ను దాటి బయటకు వచ్చే వారు కాదు. ఎన్నో ప్రమాదాలు జరిగాయి. ఎన్నో విపత్తులు సంభవించాయి. అయినా కేసీఆర్ మాత్రం ప్రగతి భవన్ దాటి బయటకు రాలేదు. అంతెందుకు ఆయన ప్రగతి భవన్ నుంచి సచివాలయానికి కూడా రావడం మానేశారు. నాలుగు వందల కోట్ల రూపాయలు పైగా వ్యయం చేసి నిర్మించిన సచివాలయంలో ఆయన ముఖ్యమంత్రిగా వచ్చింది అతి తక్కువ సార్లు మాత్రమే. జిల్లాల పర్యటనకు వెళ్లినా ఏదైనా పథకం ప్రారంభోత్సవానికి మాత్రమే వెళ్లేవారు.