మూర్ఖుడు ముఖ్యమంత్రిగా ఉండటానికి వీల్లేదు

దళితుడైన రాష్ట్రపతి ప్రసంగాన్ని కూడా టీఆర్ఎస్ బహిష్కరిస్తుందని చెప్పారు. దళితుడిని ముఖ్యమంత్రిని చేస్తానని చెప్పి ఏం చేశావని బండి సంజయ్ ప్రశ్నించారు. దళిత బంధు ఎంతమందికి ఇచ్చావని ప్రశ్నించారు. కేసీఆర్ వ్యాఖ్యలకు నిరసనగా రేపు బీజేపీ నేతలు తమ పార్టీ కార్యాలయాల్లో దీక్ష చేస్తారన్నారు. రాజ్యాంగంపై కేసీఆర్ చేసిన వ్యాఖ్యలకు నిరసనగా ఢిల్లీలో బండి సంజయ్ అంబేద్కర్ విగ్రహానికి పాలాభిషేకం చేశారు. ఒక్క నిమిషం కూడా కేసీఆర్ ముఖ్యమంత్రి పదవిలో ఉండటానికి అనర్హుడని అన్నారు. మూర్ఖుడిని ముఖ్యమంత్రి పదవి నుంచి దించేంత వరకూ తమ పోరాటం ఆగదని బండి సంజయ్ చెప్పారు.