Telangana : గ్రామంలోకి చెప్పులు వేసుకుని వస్తే ఐదు వేలు జరిమానా

ఆ గ్రామంలో ఫ్లెక్సీని ఏర్పాటు చేసి ఈ నిబంధనను ప్రకటించారు. నెల రోజుల పాటు అమలయ్యే నిబంధనను ప్రస్తుతం చుట్టుపక్కల ప్రాంతాల్లో చర్చనీయాంశంగా మారింది. పుష్యమాసంలో ఆదివాసీలు కఠిన ఆచార సంప్రదాయాలను పాటిస్తుంటారు. స్థానికంగా ఆదివాసీలుగా పిలిచే గిరిజనులు మంగళవారం నుంచి జనవరి 22 వరకు పుష్యమాస పూజలు నిర్వహిస్తారు. ఈ పవిత్ర కాలంలో మద్యం సేవించరు, పొగ తాగరు, నేలపై నిద్రిస్తారు, చెప్పులు లేకుండా నడవడం సంప్రదాయంగా పాటిస్తారు. గ్రామంలోకి వచ్చే బయటి వారు గ్రామ సరిహద్దుల్లోనే తమ చెప్పులు విడిచిపెట్టి లోపలికి రావాలని స్పష్టం చేశారు. నిబంధనను ఉల్లంఘిస్తే జరిమానా తప్పదని హెచ్చరించారు.