Formula E Car Race Case : కేటీఆర్ కు మరోసారి ఏసీబీ నోటీసులు సిద్ధం చేస్తుందా?

బీఆర్ఎస్ వర్కింగ్ ప్రెసిడెంట్ కేటీఆర్ కు మరోసారి ఏసీబీ అధికారులు నోటీసులు జారీ చేయనున్నట్లు తెలిసింది. ఫార్ములా ఈ కారు రేస్ కేసులో కేటీఆర్ ను మరోసారి విచారించేందుకు అవినీతి నిరోధక శాఖ అధికారులు సిద్ధమవుతున్నారు. ఫార్ములా ఈ కారు రేసును తెలంగాణలో ఏసీబీ అధికారులు గత ఎనిమిది నెలల నుంచి విచారణ చేస్తున్నారు. గత ఏడాది డిసెంబరు 19వ తేదీన ఫార్ములా ఈ కారు రేసులో ఏసీబీ కేసు నమోదు చేసి విచారణ ప్రారంభించింది. ఈ కేసులో కీలకమైన ఐఏఎస్ అధికారి అరవిందకుమార్ తో పాటు హెచ్ఎండీఏ మాజీ చీఫ్ ఇంజినీర్ బీఎల్ఎన్ రెడ్డిలను కూడా విచారించింది. కేటీఆర్ ను కూడా విచారణ చేసింది. హెచ్ఎండీఏ నిధులను మంత్రివర్గం ఆమోదం లేకుండా నిబంధనలకు విరుద్ధంగా విదేశీ కంపెనీలకు తరలించారన్న ఆరోపణలపై కేసు నమోదయింది.