మళ్లీ తెలంగాణకు ఆమ్రపాలి

ఐఏఎస్ అధికారిణి ఆమ్రపాలి కాటాను తెలంగాణ కేడర్‌కు కేటాయించాలని ఆదేశిస్తూ కేంద్ర పరిపాలనా ట్రిబ్యునల్ తీర్పును వెలువరించింది. ప్రస్తుతం ఆంధ్రప్రదేశ్ టూరిజం డెవలప్‌మెంట్ కార్పొరేషన్ మేనేజింగ్ డైరెక్టర్‌గా ఉన్నారు ఆమ్రపాలి. ఆంధ్రప్రదేశ్ రాష్ట్ర విభజన తర్వాత ఆమెను ఆంధ్రప్రదేశ్ కేడర్‌కు కేటాయించాలని కేంద్ర ప్రభుత్వం తీసుకున్న నిర్ణయాన్ని సవాలు చేస్తూ పిటిషన్ దాఖలు చేశారు. క్యాట్ బెంచ్ కేసును సమీక్షించి, ఆమ్రపాలి వాదనలలో అర్హత ఉందని తేల్చింది. ఆమ్రపాలిని ఆంధ్రప్రదేశ్ కేడర్‌కు కేటాయించిన కేంద్ర ప్రభుత్వ మునుపటి చర్యలను పక్కన పెట్టి, ఆమెను వెంటనే తెలంగాణ కేడర్‌కు కేటాయించాలని ఆదేశాలు జారీ చేసింది.