Weather Report : మార్చి నెలలోనే ఎన్ని డిగ్రీల టెంపరేచర్ నమోదువుతుందో తెలుసా?

ఆంధ్రప్రదేశ్ లో చలిగాలుల తీవ్రత పూర్తిగా తగ్గింది. అయితే పొగమంచు మాత్రం ఉదయం వేళల్లో ఇంకా ఉంది. వాహనదారులు దట్టమైన పొగమంచుతో ఇబ్బందులు పడుతున్నారు. జనవరిలో పొగమంచు ఎక్కువగా ఉండటం సహజమేనని అమరావతి వాతావరణ శాఖ అధికారులు తెలిపారు. చలి తీవ్రత తగ్గడంతో పాటు ఉష్ణోగ్రతలు సాధారణం కంటే రెండు నుంచి మూడు డిగ్రీల ఉష్ణోగ్రతలు పెరుగుతున్నాయని, క్రమంగా ఇవి పెరగడమే తప్ప ఇక తగ్గవన్న అంచనాలో ఉన్నారు. అలాగే ఏజెన్సీ ఏరియాలో కొంత చలి తీవ్రత కనిపిస్తుంది. అరకు, పాడేరు, మినుములూరు, లంబసింగి వంటి ప్రాంతాల్లో మాత్రం కొంత చలిగాలుల తీవ్రత ఉదయం ఎనిమిది గంటల వరకూ కొనసాగుతుంది.

తెలంగాణలో పొడి వాతావరణం ఉంటుందని హైదరాబాద్ వాతావరణ శాఖ అధికారులు వెల్లడించారు. చలితీవ్రత తగ్గడంతో పాటు ఉక్కపోత మొదలయింది. ఉష్ణోగ్రతలు కూడా పెరుగుతున్నాయి. తెలంగాణలో గతం కంటే రెండు నుంచి మూడు డిగ్రీల ఉష్ణోగ్రతలు గరిష్టంగా నమోదవుతున్నాయని వాతావరణ శాఖ వెల్లడించింది. హైదరాబాద్ లోనూ ఉష్ణోగ్రతలు డబుల్ డిజిట్ కు చేరుకున్నాయి. ఇక తెలంగాణ వ్యాప్తంగా విద్యుత్తు వినియోగం కూడా గణనీయంగా పెరిగింది. ఉదయం కొంత చలిగాలులు వీస్తున్నప్పటికీ పది గంటల నుంచి ఎండల తీవ్రత మొదలయింది. రానున్న రోజుల్లో ఉష్ణోగ్రతలు మరింతగా పెరిగే అవకాశముందని వాతావరణ శాఖ అధికారులు తెలిపారు.