తెలంగాణను చంద్రబాబుకు తాకట్టు పెట్టారా?

తెలంగాణను చంద్రబాబుకు రేవంత్ రెడ్డి తాకట్టు పెట్టారని మాజీ మంత్రి హరీశ్ రావు అన్నారు. అసెంబ్లీ మీడియా హాల్‌లో కాంగ్రెస్ ప్రభుత్వంపై మాజీ మంత్రి హరీశ్ రావు నిప్పులు చెరిగారు. కృష్ణా, గోదావరి జలాల్లో రాష్ట్రానికి తీవ్ర అన్యాయం జరిగిందని, కాంగ్రెస్ సర్కార్ చోద్యం చూస్తుందని అన్నారు. ఆంధ్రాకు దాసోహమైన ముఖ్యమంత్రి.. ఏపీ, కేంద్ర ప్రభుత్వాలు కుట్రలు చేస్తున్నాయన్నారు.ఢిల్లీ మీటింగ్ మినిట్స్‌ వచ్చి నెల దాటినా రేవంత్ రెడ్డి ఎందుకు స్పందించడం లేదని ప్రశ్నించారు. మొద్దు నిద్ర వీడి నీటి హక్కులను కాపాడాలి.. లేఖల డ్రామాలు కట్టిపెట్టాలంటూ హరీశ్ రావు ధ్వజమెత్తారు.