Ind vs End Second Test : అల్లంత దూరంలో విజయం.. టీం ఇండియా అందుకుంటుందా?

ఈ మ్యాచ్ గెలిస్తే సిరీస్ ను డ్రా చేసుకునే అవకాశం భారత్ కు ఉంది. ఇంగ్లండ్ రెండో ఇన్నింగ్స్ లో తడబడటం ప్రారంభించారు. మన బౌలర్లు సత్తా చూపుతున్నారు. ఫలితంగా ఇంగ్లండ్ భారత్ కంటే 608 పరుగుల ఆధిక్యంతో ఉండగా రెండో ఇన్నింగ్స్ లో ఇంగ్లండ్ మూడు వికెట్లు కోల్పోయి 72 పరుగులు మాత్రమే చేయగలిగింది. ఇక ఈరోజు ఇంగ్లండ్ దూకుడుగా ఆడి వికెట్లుసమర్పించుకుని ఓటమిని కొని తెచ్చుకుంటుందా? లేక రోజంతా ఆడి టీమిండియా విజయాన్ని అడ్డుకుంటుందా? అన్నది ఆసక్తికరంగా మారింది. టీం ఇండియాకు గెలుపుపైనే ఎక్కువ అవకాశాలు కనిపిస్తున్నాయి.

కెప్టెన్ శుభమన్ గిల్ ఈ పర్యటనలో మంచి ఫామ్ లో ఉన్నాడు. రెండో ఇన్నింగ్స్ లోనూ గిల్ 162 బంతుల్లో 161 పరుగుల చేశఆడు. దీంతో 427 వద్ద భారత్ ఇన్నింగ్స్ ను డిక్లేర్ చేసింది. ఇందులో రిషబ్ పంత్ మరోసారి తనదైన స్టయిల్ లో ఆడి 65 పరుగులు చేశాడు. జడేజా 69 పరుగులు చేయడంతో తొలి ఇన్నింగ్స్ లో 180 పరుగులతో ఉన్న టీం ఇండియా మొత్తం 608 పరుగుల లక్ష్యాన్ని ఇంగ్లండ్ ముందుంచింది. ఇంగ్లండ్ రెండో ఇన్నింగ్స్ ఆట ముగిసే సమయానికి 72 పరుగులు మాత్రమే చేసింది. ఆకాశ్ దీప్ రెండు వికెట్లు తీశాడు. సిరాజ్ ఒక వికెట్ తీసి ఇంగ్లండ్ ను ట్రబుల్ లో పడేశాడు. దీంతో ఎలా చూసినా విజయం మాత్రం ఇండియా వైపు తొంగి చూస్తుంది. మనోళ్లు చాలా జాగ్రత్తగా ఆడగలిగితే మాత్రం ఈ మ్యాచ్ ను దొరకబుచ్చుకోవడం సులువేననన్నది క్రీడా విశ్లేషకుల అంచనా. మరి ఏం జరుగుతుందన్నది చూడాలి.