Asia Cup : పాక్ పై టీం ఇండియా జట్టు ఇలా ఉంటే బాగుంటుందట

అందుకే మరో రెండు రోజుల్లో భారత్ - పాకిస్తాన్ మ్యాచ్ ప్రారంభమవుతున్న సమయంలో జట్టులో మార్పులు, చేర్పులపై పెద్దయెత్తున చర్చ జరుగుతుంది. అయితే దుబాయ్ లో ఉన్న జట్టు మాత్రం ఎటువంటి ఆలోచనలు లేకుండా ప్రాక్టీస్ పైనే దృష్టిపెట్టింది. పాక్ తో జరిగే మ్యాచ్ లో యూఏఈతో తలపడిన భారత జట్టునే కొనసాగించాలని కొందరు సోషల్ మీడియాలో కోరుతున్నారు. ఈ పిచ్ స్పిన్నర్లకు అనుకూలం కనుక ముగ్గురు స్పిన్నర్లతో బరిలోకి దిగడం మంచిదన్న సూచనలు కూడా వెలువడుతున్నాయి. అయితే యూఏఈతో జరిగిన మ్యాచ్ లా ఉండదు. ఎందుకంటే పాకిస్తాన్ తో మ్యాచ్ అంటే ఇరుజట్ల ఆటగాళ్లు తీవ్రమైన ఒత్తిడిని ఎదుర్కొంటారు.

అయితే భారత జట్టులో ఒక మార్పు ఉండే అవకాశముందని అంటున్నారు. పేసర్లుగా హార్ధిక్ పాండ్యా జస్ప్రిత్ బుమ్రాతో పాటు అర్షదీప్ సింగ్ ను తీసుకోవడంపై కూడా చర్చ జరుగుతుంది. అయితే అర్షదీప్ సింగ్ ను జట్టులోకి తీసుకుంటే ఒకరిని తప్పించాలి. అది వరుణ్ చక్రవర్తి అవుతాడంటున్నారు. అయితే వరుణ్ చక్రవర్తి సరైన సమయంలో వికెట్లు తీస్తాడని, అర్షదీప్ సింగ్ ఎక్కువ పరుగులు ఇచ్చే అవకాశముందన్న కామెంట్స్ కూడా వినపడుతున్నాయి. దుబాయ్ పిచ్ స్పిన్ కు అనుకూలంగా ఉండటంతో వరుణ్ చక్రవర్తి, కులదీప్ యాదవ్, అక్షర్ పటేల్ ను యధాతధంగా కొనసాగించాలని కూడా కొందరు క్రీడా నిపుణులు సూచిస్తున్నారు. మ్యాచ్ కు మరో రెండు రోజులు ఉండగానే జట్టులో మార్పులు, చేర్పులపై చర్చ జరుగుతుంది. కానీ చివరి నిమిషంలోనే జట్టు ను ప్రకటిస్తారని, అప్పటి వరకూ ఇవి ఊహాగానాలు మాత్రమేనన్నది వాస్తవం.