India Vs England Fourth Test : నాలుగో టెస్ట్ లో భారత్ తుది జట్టులో చోటెవరికి?

ప్రధానంగా కరుణ్ నాయర్ ను తప్పించాలన్న డిమాండ్ ఎక్కువగా వినపడుతుంది. వరసగా మూడు మ్యాచ్ లలో ప్రదర్శన సరిగా చేయకపోవడంతో కరుణ్ నాయర్ ను పక్కన పెట్టాలని కోరుతున్నారు. కరుణ్ నాయర్ ను తప్పించి అతని స్థానంలో సాయి సుదర్శన్ ను తీసుకు రావాలని ఎక్కువ మంది మాజీ క్రికెటర్లు కూడా చెబుతున్నారు. నాలుగో టెస్ట్ మ్యాచ్ కీలకం కావడంతో ఖచ్చితంగా కొన్ని కఠిన నిర్ణయాలు తీసుకోవాల్సిందనేని గట్టిగానే చెబుతున్నారు. వరసగా విఫలమయిన వారిని పక్కనపెట్టి కొత్త వారిని ఎంపిక చేయడంలో తప్పేమీ లేదని కూడా అంటున్నారు. అయితే సీనియర్ మాజీ క్రికెటర్ల ఆలోచనలను బీసీసీఐ అమలు పర్చేందుకు కూడా సిద్ధమవుతుంది.

మరొక వైపు నితీష్ కుమార్ రెడ్డిని కూడా పక్కన పెట్టి అతని స్థానంలో కులదీప్ యాదవ్ ను తీసుకోవాలన్న డిమాండ్ కూడా వినపడుతుంది. నితీష్ కుమార్ రెడ్డి కొన్నివికెట్లు తీసినప్పటికీ పరుగులు చేయడంలేదు. దీంతో పాటు నితీష్ కుమార్ రెడ్డి గాయాలపాలు కావడంతో ఆయన స్థానంలో అన్షుల్ కాంబోజ్ ను తీసుకునే అవకాశముంది. ఆల్ రౌండర్ అని జట్టులోకి తీసుకున్నప్పటికీ వేగంగా వికెట్లు తీయలేకపోతున్నాడని, అందులో ఇంగ్లండ్ బ్యాటర్లను ముప్పు తిప్పలు పెట్టాలన్నా, వేగంగా వికెట్లు అంది పుచ్చుకోవాలన్నా, పాతుకుపోయిన వారి భాగస్వామ్యాన్నివిడదీయాలన్నాకులదీప్ యాదవ్ ను ఆడించాలని హర్బజన్ సింగ్ లాంటి వాళ్లు బీసీసీఐకి చెబుతున్నారు. కులదీప్ యాదవ్ బంతి మ్యాజిక్ కు ఖచ్చితంగా ఇంగ్లండ్ బ్యాటర్లు బోల్తాపడక తప్పదని చెబుతున్నారు. జడేజాకు తోడుగా కులదీప్ యాదవ్ ఉంటే అదనపు బలం అని విశ్లేషిస్తున్నారు. మరి బీసీసీఐ ఏంచేస్తున్నదన్నది చూడాల్సి ఉంది