T20 World Cup : వరల్డ్ కప్ లో భారత్ విజయావకాశాలు ఎన్నంటే?

న్యూజిలాండ్‌తో ఐదు టీ20ల సిరీస్‌లో భారత్ జట్టులో ఎవరి బలాలు, ఎవరి బలహీనతతేలంటో తెలిసొచ్చాయి. ప్రధానంగా ఫీల్డింగ్ లో కొంత మరింత మెరుగైన ప్రదర్శన చేయాల్సి ఉంది. వరల్డ్ కప్ కు ఇంకా ఐదు రోజులు మాత్రమే సమయం ఉంది. అదీ భారత్ లోనే జరుగుతుండటం కొంత భారత్ కు కలసి వచ్చే అంశంగానే చూడాలి. అభిషేక్ శర్మ, ఇషాన్ శర్మ, సూర్యకుమార్ యాదవ్, హార్థిక్ పాండ్యా, శివమ్ దూబె, రింకూ సింగ్ లు సత్తా చాటారు. ఇక తిలక్ వర్మ ఎంట్రీతో భారత్ బ్యాటింగ్ ఆర్డర్ మరింత బలపడుతుంది.

బౌలింగ్ లో అర్షదీప్ సింగ్, జస్ప్రిత్ బుమ్రా, వరుణ్ చక్రవర్తి, కులదీప్ యాదవ్, హార్థిక్ పాండ్యా వికెట్లను సరైన సమయంలో అందిపుచ్చుకుంటున్నారు. ఇక ఆల్ రౌండర్ గా శివమ్ దూబె, అక్షర్ పటేల్ లు తమ పాత్రను పోషించనున్నారు. బౌలింగ్, బ్యాటింగ్ పరంగా పటిష్టంగా ఉన్నప్పటికీ కొంత ఫీల్డింగ్ పరంగానే మెరుగుపడాల్సి ఉంటుందన్నవిశ్లేషణలు వినపడుతున్నాయి. ఈ టోర్నీకి బంగ్లాదేశ్ దూరం కావడంతో ఇక ప్రత్యర్థి పాకిస్థాన్ తో ఈ నెల 15 వ తేదీన కొలొంబో వేదికగా భారత్ తలపడనుంది. ఫిబ్రవరి 7వ తేదీన తొలి మ్యాచ్ జరగనుంది. భారత కాలమానం ప్రకారం రాత్రి ఏడు గంటలకు మ్యాచ్ లు ప్రారంభమవుతాయి. భారత్ తో పాకిస్తాన్ మ్యాచ్ ను బహిష్కరిస్తున్నట్లు ప్రకటించడంతో ఆ మ్యాచ్ జరిగేది అనుమానంగానే ఉంది. అయినా మ్యాచ్ ఆడేందుకు టీం ఇండియా కొలంబో బయలుదేరి వెళ్లనుంది.