T20 World Cup Finals : భీకర పోరు.. ఎన్నో సెంటిమెంట్లు.. ఎన్నో లెక్కలు.. నేడు భారత్ - న్యూజిలాండ్ ఫైనల్స్

టీం ఇండియా బ్యాటింగ్ పరంగా బలంగా కనిపిస్తున్నప్పటికీ ఒకింత ఆందోళన మాత్రం ఉంది. సంజూ శాంసన్ మాత్రం వరసగా రెండు మ్యాచ్ లలో భారీ పరుగులు సాధించి భారత్ విజయానికి కారణమయ్యాడు. అభిషేక్ శర్మ మాత్రం పేలవ ప్రదర్శన కంటిన్యూ అవుతుంది. సూర్యకుమార్ యాదవ్ కూడా పెద్దగా ఆడటం లేదు. త్వరగా అవుటయి నిరాశపరుస్తున్నాడు. ఇక ఇషాన్ కిషన్, తిలక్ వర్మ, హార్ధిక్ పాండ్యా, శివమ్ దూబేలో మాత్రం దూకుడుగానే ఆడుతూ భారీ స్కోరు సాధించేందుకు దోహదం చేస్తున్నారు. న్యూజిలాండ్ లో అలైన్ సెమీఫైనల్స్ లో ఆడిన ఆట చూసిన వారికి ఎవరికైనా అతను ప్రమాదకారి అని భావించక తప్పదు. న్యూజిలాండ్ బ్యాటింగ్ పరంగా కూడా బలంగానే కనిపిస్తుంది.

ఇక అహ్మదాబాద్ లోని నరేంద్ర మోదీ స్టేడియం అంటే సెంటిమెంట్ గుర్తుకు వచ్చి భయమేస్తుంది. 2023 నుంచి ఐసీసీ టోర్నమెంట్లలో రెండు మ్యాచులు ఓడింది అక్కడే. అదే టీ20 వరల్డ్ కప్ ఫైనల్ కు ముందు టీమ్ ఇండియా అభిమానులకు స్టేడియం సెంటిమెంట్ టెన్షన్ పట్టుకుంది. ఫైనల్స్ జరిగే అహ్మదాబాద్ స్టేడియంలో ఐసీసీ టోర్నమెంట్లలో టీం ఇండియాకు అంత రికార్డు లేదు. 2023 వన్డే వరల్డ్ కప్ లో ఓటమి ఎరుగని భారత్ అహ్మదాబాదులో జరిగిన ఫైనల్స్ లో కంగుతిని కప్పు కోల్పోయింది.తాజా వరల్డ్ లో సౌతాఫ్రికాపై 76 రన్స్ తేడాతో ఓడిపోయిందీ అక్కడే. అయితే న్యూజిలాండ్ కు కూడా ఈ స్టేడియంలో గణాంకాలు అనుకూలంగా లేవు. పిచ్ మాత్రం 200 పరుగులు చేసే వీలుంటుందని అంచనాలు విన పడు తున్నాయి. 200 పరుగులకు పైన చేసిన జట్టు కప్పు కైవసం చేసుకుంటుంది. మరి ఇక్కడ మరో సెంటిమెంట్ కూడా ఉంది. ముందు బ్యాటింగ్ చేసిన వాళ్లే ఎక్కువసార్లు విజయం సాధించారు. అందుకే టాస్ కూడా కీలకం.