సూర్య ఇక అవుట్

కనీసం కాసేపు క్రీజ్ లు నిలబడలేని సూర్యకుమార్ యాదవ్ ను వన్డేలకు దూరంగా ఉంచాలన్న కామెంట్స్ వినపడుతున్నాయి. వరసగా రెండు మ్యాచ్ లు డకౌట్ అయినా చెన్నైలో జరిగిన మ్యాచ్ లో మేనేజ్‌మెంట్ అవకాశమిచ్చింది. ఈ అవకాశాన్ని కూడా సూర్య సద్వినియోగం చేసుకోలేకపోయారు. తొలి బంతి ఎదుర్కొనలేక వికెట్లను అప్పగించి కళ్లప్పగించి చూస్తుండి పోయాడు. అగర్ బౌలింగ్ లో అవుటైన సూర్యకుమార్ ను ఇక వన్డే లో తీసుకోవడం కష్టమేనని అంటున్నారు. ఈ మ్యాచ్ లో భారత్ ఓటమి పాలు కావడంతో సిరీస్ ను కూడా చేజార్చుకుంది. విరాట్ కొహ్లి అర్థ సెంచరీ, హార్థిక్ పాండ్యా, కేఎల్, రాహుల్, రోహిత్ శర్మ ఆశించిన పరుగులు సాధించినా సూర్య విఫలంతోనే మ్యాచ్ చేజారిందన్న అభిప్రాయం వ్యక్తమవుతుంది.