INDvsSL: టీమిండియాను టెన్షన్ పెట్టిన లంక.. బౌలింగ్ లో పస లేనట్లేనా?

శ్రీలంకతో టీ20 సిరీస్ లో భాగంగా.. పల్లెకెలెలో జరిగిన తొలి టీ20 మ్యాచ్ లో టీమిండియా 43 పరుగుల తేడాతో ఆతిథ్య శ్రీలంకను ఓడించింది. ఈ మ్యాచ్ లో టాస్ ఓడి మొదట బ్యాటింగ్ చేసిన టీమిండియా నిర్ణీత 20 ఓవర్లలో 7 వికెట్లకు 213 పరుగులు చేసింది. 214 పరుగుల భారీ లక్ష్యాన్ని ఛేదించేలా కనిపించింది. ఒకానొక దశలో ఆ జట్టు స్కోరు 8 ఓవర్లకే 80 పరుగులు దాటింది. ఓపెనర్లు పత్తుమ్ నిస్సాంక 79, కుశాల్ మెండిస్ 45 పరుగులతో భారత బౌలర్లను ఓ ఆటాడుకున్నారు. 14 ఓవర్లలో 140 పరుగులు చేసిన విజయం ఖాయం అన్నట్లుగా కనిపించింది. కానీ భారీ షాట్లకు ప్రయత్నించిన శ్రీలంక బ్యాటర్లు.. అనుభవం లేకపోవడంతో వరుసగా వికెట్లను సమర్పించేసుకున్నారు. చివరికి 19.2 ఓవర్లలో 170 పరుగులకు ఆలౌట్ అయింది.