South Africa vs India మూడో టీ20లోనూ మొదటి బ్యాటింగ్ మనదే.. ఎవరికి ఛాన్స్ ఇచ్చారంటే?

నాలుగు మ్యాచ్‌ల సిరీస్‌ను 1-1తో సమం చేయడంతో, బుధవారం సెంచూరియన్‌లోని సూపర్‌స్పోర్ట్ పార్క్‌లో జరిగే మూడో T20I మ్యాచ్ లో భారత్, దక్షిణాఫ్రికా రెండూ విజయాన్ని నమోదు చేయాలనే ఉత్సాహంతో ఉన్నాయి. తొలి రెండు గేమ్‌లలో బెంచ్‌పై నిలిచిన రమణదీప్ సింగ్‌ ఈ మ్యాచ్ లో డెబ్యూ క్యాప్ అందుకున్నాడు. రమణదీప్ ఇండియన్ ప్రీమియర్ లీగ్‌లో అదరగొట్టాడు. కుడిచేతి వాటం బ్యాటర్ అయిన రమణదీప్ సింగ్ ఇండియన్ ప్రీమియర్ లీగ్‌లో 166.67 స్ట్రైక్ రేట్‌తో 19 మ్యాచ్‌లలో 170 పరుగులు చేశాడు. గత IPL సీజన్‌లో అతను 200 కంటే ఎక్కువ స్ట్రైక్ రేట్‌తో స్కోర్ చేశాడు. రమణదీప్ 57 టీ20మ్యాచ్ లు ఆడి 170.00 స్ట్రైక్ రేట్‌తో 544 పరుగులు చేశాడు. రైట్ ఆర్మ్ ఫాస్ట్ మీడియం బౌలింగ్ కూడా చేయగలడు.. అతడు 16 టీ20 వికెట్లు సాధించాడు.