IPL 2025 : ఛేజింగ్ మాస్టర్ సూపర్ ఇన్నింగ్స్ .. పంజాబ్ వెన్ను విరిచిన బెంగళూరు

పంజాబ్ కింగ్స్ తొలుత బ్యాటింగ్ చేసింది. ఇరవై ఓవర్లలో ఆరు వికెట్లు కోల్పోయి 157 పరుగులు మాత్రమే చేయగలిగింది. ఐపీఎల్ లో ఇది అతి స్వల్ప స్కోరు అని చెప్పాలి. కానీ పంజాబ్ కింగ్స్ విషయంలో తక్కువ అంచనా వేయడానికి వీలులేదు. అది చివరలో మ్యాచ్ ను చేజిక్కించుకుంటుంది. అనేక మ్యాచ్ లలో అనేక సార్లు చూశాం. పంజాబ్ కింగ్స్ లో ప్రియాంశ్ ఆర్య 22 పరుగులు, ప్రభ్ మన్ సింగ్ 33 పరగులు చేసి ఓపెనింగ్ అదరగొట్టినా తర్వాత జోష్ ఇంగ్లిస్ తప్ప ఎవరూ రాణించలేకపోవడంతో తక్కువ పరుగులకే అవుటయ్యింది. కెప్టెన్ శ్రేయస్ అయ్యార్ ఆరు పరుగులకే అవుటయి ఉసూరమనిపించాడు.

158 పరుగుల లక్ష్యాన్ని సాధించేందుకు బ్యాటింగ్ కు దిగిన రాయల్ ఛాలెంజర్స్ బెంగళూరు ఆదిలోనే తడబడింది. సాల్ట్ వికెట్ కోల్పోయింది. అయితే విరాట్ కోహ్లి, పడిక్కల్ కలసి రన్ రేటును పెంచారు. స్కోరు బోర్డును పరుగులు తీయించాడు. పడిక్కల్ 61 పరుగుల వద్ద అవుట్ కాగా, తర్వాత వచ్చిన రజిత్ పాటీదార్ పన్నెండు పరుగుల వద్ద అవుటయ్యాడు. విరాట్ కోహ్లి, జితేశ్ శర్మ కలసి ఇన్నింగ్స్ ను పూర్తి చేశారు. ఛేజింగ్ మాస్టర్ కోహ్లి 73 పరుగులు చేయడంతో పాటు తక్కువ పరుగులే లక్ష్యంగా ఉండటంతో రాయల్ ఛాలెంజర్స్ బెంగళూరు విజయం ముందే ఖరారయింది.