భారత్ ఆస్ట్రేలియా రెండో వన్డే - వర్షం పడే అవకాశం

ఇప్పటికే కోస్తా, దానికి ఆనుకుని ఒడిశాలో ఆకాశం మేఘావృతం అయింది. కోస్తాలో గురువారం నుంచి ఈ నెల 19 వరకు, రాయలసీమలో గురు, శుక్రవారాల్లో అనేకచోట్ల పిడుగులతో కూడిన వర్షాలు పడతాయని తెలిపింది. గంటకు 40 నుంచి 50 కి.మీ.ల వేగంతో బలమైన గాలులు వీచే అవకాశముందని కూడా చెప్పింది. ఈ నేపథ్యంలో ఈనెల 19వ తేదీన భారత్ - ఆస్ట్రేలియా వన్డే క్రికెట్ మ్యాచ్ జరుగుతుందా? లేదా? అన్న దానిపై సందిగ్దత నెలకొంది. డే అండ్ నైట్ మ్యాచ్ కావడంతో ఇప్పటికే టిక్కెట్లన్నీ ఆన్ లైన్ లో, ఆఫ్ లైన్ లో అమ్ముడుపోయాయి. చివరకు విశాఖ క్రికెట్ ఫ్యాన్స్ కోరికను వరుణదేవుడు నెరవేరుస్తారా? లేదా? అన్నది చూడాల్సి ఉంది.