IPL 2025 : సొట్టబుగ్గల సుందరి ఆనందం చూశారా? పంజాబ్ గెలిచిన తర్వాత జరపుకున్న పండగ ఎలా ఉందంటే?

కానీ పంజాబ్ కింగ్స్ మాత్రం ఏ మాత్రం బెదరలేదు. అదరలేదు. ప్రధానంగా కింగ్స్ లో ఫైనల్స్ లో తలపడాలన్న కసి కనిపించింది. మంచి బ్యాటింగ్ లైనప్ ఉన్న జట్టు కావడంతో ఆశలున్నప్పటికీ దానికి పెద్దగా అవకాశాలు ఉండవని అందరూ అంచనా వేశారు. అందరూ అదే భావించారు. కానీ పంజాబ్ కింగ్స్ లో శ్రేయస్ అయ్యర్ తన జట్టుకు అద్భుతమైన విజయాన్ని అందించారు. అందుకోసమే స్టేడియంలో కూర్చున్న వారంతా అందరూ ఒక్కసారిగా లేచి నిల్చుని స్టాండింగ్ ఓవియేషన్ ఇచ్చారు. సొట్టబొగ్గల సుందరి ప్రీతి జింటా ఆనందానికి అయితే ఇక అవధులు లేవు. లేచి గంతులేశారు. తన జట్టు సభ్యులకు అందులోనూ గెలిపించిన శ్రేయస్ అయ్యర్ ను ప్రశంసలతో ముంచెత్తారు.

ముంబయి ఇండియన్స్ ఈసారి కూడా ఫైనల్స్ కు వెళ్లి ఆరోసారి ఛాంపియన్ షిప్ గెలవాలని కలలు కనింది. ఐపీఎల్ ప్రారంభంలో కొద్దిగా తడబడినా ఆ జట్టు అందుకున్న విజయాలు, అనంతరం వరసగా సాధిస్తూ పైకి వచ్చిన తీరును చూసిన తర్వాత ఫైనల్స్ లోనూ బెంగళూరును బెంబేలెత్తించే అవకాశముంటుందని భావించారు. క్రీడా నిపుణులు కూడా ఫైనల్స్ కు వస్తే ముంబయి ఇండియస్స్ దే ఈసారి కూడా ఛాంపియన్ షిప్ అని అన్నారు. చివరకు అశ్విన్ వంటి వారు కూడా అదే అభిప్రాయం వ్యక్తం చేశారు. కానీ పంజాబ్ గెలిచింది. ముంబయి ఓడింది. దీంతో ముంబయి ఇండియన్స్ యజమాని నీతూ అంబానీ నీరసంగా బయటకు వెళ్లడం కనిపించింది.