India vs Zimbabwe : అందరూ ఆడారు... ఆడితే అంతే...జింబాబ్వేపై భారత్ ఘన విజయం

దక్షిణాఫ్రికా చేతిలో 76 పరుగుల తేడాతో ఓడిన తర్వాత భారత్‌పై ఒత్తిడి పెరిగింది. ఆ పరిస్థితిలో అభిషేక్ శర్మ 30 బంతులలో 55 పరుగులు చేశాడు. ఇందులో 4 ఫోర్లు, 4 సిక్సర్లున్నాయి. అభిషేక్ మళ్లీ ఫామ్ లోకి రావడం శుభపరిణామం. హార్దిక్ పాండ్యా 23 బంతులలో 50 పరుగులు చేసి నాటౌట్ గా నిలిచాడు. ఇందులో రెండు ఫోర్లు, నాలుగు సిక్సర్లున్నాయి. తిలక్ వర్మ కూడా 16 బాల్స్ లో 44 పరుగులు చేసి నాటౌట్ గా నిలిచాడు. ఇందులో మూడు ఫోర్లు, నాలుగు సిక్సర్లున్నాయి. ఇషాన్ కిషన్ 38, సూర్యకుమార్ యాదవ్ 33 పరుగులు చేశారు. దీంతో స్కోరు భారీగా పెరిగింది. భారత్ ఇరవై ఓవర్లలో 256 పరుగులు చేయగలిగింది. రన్ రేట్ కావాలనుకుంటున్న సమయంలో ఈ రేంజ్ లో స్కోరు చేసి భారత్ భళా అని అనిపించంది.

జింబాబ్వే ఛేజింగ్ లో కొంత తడబడింది. ఆరు వికెట్లకు 184 పరుగులు మాత్రమే చేసింది. ఓపెనర్ బ్రియాన్ బెన్నెట్ 59 బంతుల్లో 97 నాటౌట్‌తో పోరాడినా ఫలితం మారలేదు. శివమ్ దూబే వేసిన ఓ ఓవర్‌లో 26 పరుగులు సాధించి తన శక్తిని చూపించాడు.జింబాబ్వే ఫీల్డింగ్ లో లోపం కనిపించింది. లోపించింది. కిషన్ 26, సూర్యకుమార్ యాదవ్ 8 పరుగుల వద్ద ఉన్నప్పుడు క్యాచ్‌లు వదిలేశారు. అయితే మపోసా బౌలింగ్‌లో రజాకు క్యాచ్ ఇచ్చి అభిషేక్ అవుటయ్యాడు.భారీ లక్ష్యాన్ని కాపాడడంలో బౌలర్లు కచ్చితంగా బౌలింగ్ చేశారు. అర్ష్‌దీప్ సింగ్ నాలుగు ఓవర్లు వేసి మూడు వికెట్లు తీసి ఇరవై నాలుగు పరుగులు మాత్రమే ఇచ్చాడు. దీంతో సెమీ ఫైనల్స్ ఆశను భారత్ సజీవంగా నిలుకున్నట్లయింది. ఆదివారం జరిగే మ్యాచ్ కీలకం కానుంది. వెస్టిండీస్ పై ఇదే రీతిలో పోరాడాలని ఇండియన్ క్రికెట్ ఫ్యాన్స్ ఆశిస్తున్నారు.