నేడు భారత్ - న్యూజిలాండ్ వన్డే మ్యాచ్

హైదరాబాద్ లో కూడా విరాట్ కొహ్లి మీదనే అందరి చూపు ఉంది. శ్రీలంకపై రెండు సెంచరీలు చేసిన కొహ్లి ఈ మ్యాచ్ లోనూ రాణిస్తాడని ఆయన అభిమానులు ఉవ్విళ్లూరుతున్నారు. ఓపెనర్లు రోహిత్ శర్మ, శుభమన్ గిల్ లు నిలకడగా ఆడుతుండటం కూడా భారత్ జట్టుకు మంచి పరిణామంగా పేర్కొనాల్సి ఉంటుందన్నారు. శ్రేయస్ అయ్యర్ గాయంతో ఈ మ్యాచ్ కు దూరమయ్యాడు. సూర్యకుమార్ యాదవ్ వీరవిహారం చూడాలని హైదరాబాదీలు కోరుకుంటున్నారు. శ్రేయస్ అయ్యర్ స్థానంలో రజిత్ పటేదార్ కు అవకాశం ఇవ్వనున్నారు. మహ్మద్ సిరాజ్ సొంతగడ్డపై తొలిసారి బౌలింగ్ చేస్తుండటం కూడా విశేషం. కేనే విలియన్స్, టిమ్ సౌథీలకు విశ్రాంతి ఇవ్వడంతో న్యూజిలాండ్ జట్టు కూడా బలంగానే కనిపిస్తుంది. దీంతో భారత్ - న్యూజిలాండ్ వన్డే మ్యాచ్ ఉత్కంఠగా సాగుతుందన్న అంచనాలు వినపిస్తున్నాయి.