Inda Vs Australia Champions Trophy Semi Filnals : భారత్ ఫైనల్స్ కు వెళ్లాలంటే ఒకటే మార్గమట

అందుకే భారత్ అడుగడుగునా జాగ్రత్తలు పాటించకలిగితేనే ఆస్ట్రేలియాను చిత్తు చేయవచ్చన్నది క్రీడా నిపుణుల అభిప్రాయం. అనేకసార్లు ప్రపంచ కప్ పోటీల్లోఇరుజట్లు తలపడితే ఆస్ట్రేలియాదే పై చేయి అయిన విషయాన్ని గుర్తు చేస్తున్నారు. ఈ సెమీ ఫైనల్స్ లో గెలిస్తేనే ఫైనల్స్ కు చేరతాము. న్యూజిలాండ్ పై మనోళ్లు సత్తా చూపారు. మనకు స్పిన్నర్లు బలం. కివీస్ తో జరిగిన మ్యాచ్ లో స్పిన్నర్లే మనల్ని గెలిపించారు. ఆస్ట్రేలియా ఒకే ఒక స్పిన్నర్ ఉండటంతో పాటు పేసర్లు కూడా పెద్దగా ఫామ్ లో లేకపోవడం భారత్ కు కలసి వచ్చే అంశమని చెబుతున్నారు. అందుకే నేడు జరిగే సెమీఫైనల్స్ లో భారత్ భారీ స్కోరు చేయగలిగితే ఆసీస్ పై వత్తిడి తెచ్చే అవకాశముంది.

ఆస్ట్రేలియా ఈ టోర్నీలో అడుగు పెట్టేముందు దానిపై ఎలాంటి ఆశలులేవు. కానీ అది అనూహ్యంగా పుంజుకుని సెమీ ఫైనల్స్ వరకూ దూసుకు వచ్చింది. కొత్త ఆటగాళ్లతో బరిలోకి దిగిన ఆసీస్ ఛాంపియన్స్ ట్రోఫీలో పుంజుకుంది. మిచెల్ స్టార్క్, పాట్ కమిన్స్, హేజిల్ వుడ్ వంటి పేసర్లు లేరు. గాయాల కారణంగా గటోర్నీకి దూరమయ్యారు. పేస్ విభాగం బలహీనంగా ఉండటం భారత్ కు బలం. అయితే బ్యాటింగ్ లో దానిని కొట్టేవారు లేరు. అందరూ ఉద్దండులే. హెడ్ మళ్లీ ఫామ్ లోకి రావడంతో పాటు మిడిల్ ఆర్డర్ వరకూ బ్యాట్ తో దంచేవాళ్లే. ఛేదనలో భయపడే అవకాశం లేని వాళ్లు.అలాంటిది ఈరోజు జరిగే మ్యాచ్ మాత్రం ఆషామాషీ కాదు. కానీ ఆన్ని విభాగాల్లో బలంగా భారత్ ను ఢీకొట్టాలంటే ఆసిస్ కూడా అన్ని రకాలుగా ప్రయత్నించాలే. మరిచూడాలి చివరకు గెలుపు ఎవరిదో.