India vs Australia 2nd One Day : భారత్ తుది జట్టు అంచనా ఇదే..నేడు ఆస్ట్రేలియాతో రెండో వన్డే

భారత్ రెండో వన్డేకు సిద్ధమయింది. ఆస్ట్రేలియాతో నేడు ఆడిలైడ్ వేదికగా మ్యాచ్ జరగనుంది. తొలి మ్యాచ్ లో ఓటమి పాలయిన టీం ఇండియా రెండో మ్యాచ్ లో ఎలాగైనా నెగ్గేందుకు తీవ్రంగా శ్రమిస్తుంది. గత కొద్ది రోజులుగా ఆడిలైడ్ లో నెట్ లో ప్రాక్టీస్ ను ముమ్మరం చేసింది. రెండో మ్యాచ్ లో గెలిస్తేనే సిరీస్ సజీవంగా ఉంటుంది. యాభై ఓవర్ల మ్యాచ్ లో అత్యధిక స్కోరును చేయాలని టీం ఇండియా ఉవ్విళ్లూరుతుంది. బౌలింగ్ తొలుత చేసినప్పటికీ ఛేజింగ్ లో తమకున్న పదునేంటో చెప్పాలని గట్టిగా భావిస్తుంది. అందుకే స్వల్ప మార్పులతో ఈ మ్యాచ్ లో టీం ఇండియా బరిలోకి దిగనుంది.