India vs Australia: ఆడితే గెలుపు ఎవరిది? భారత్ ఎన్ని పరుగులు చేసేదో తెలుసా?

సూర్యకుమార్ యాదవ్, శుభమన్ గిల్ చెలరేగి ఆడారు. దూకుడుగా ఆడటంతో బౌండరీలు, సిక్సర్ల మోత మోగింది. తొలుత వర్షంతో మ్యాచ్ ఆగిపోయినప్పుడు మ్యాచ్ ను పద్దెనిమిది ఓవర్లకు కుదించారు. పద్దెనిమిది ఓవర్లు ఆడినప్పటికీ భారత్ 200 పరుగులకు పైగానే చేసి ఉండేది. ఆ లక్ష్యాన్ని ఛేజింగ్ లో అధిగమించడం ఆస్ట్రేలియాకు కష్టంగా మారేది. కానీ వర్షం ఆస్ట్రేలియా వైపు నిలిచిందనే చెప్పాలి. టీ 20లలో తమకు తిరుగులేదని చాటి చెప్పాలనుకున్న భారత్ కు వరుణుడు అడ్డుకట్ట వేసినట్లయింది. మ్యాచ్ రద్దు కావడంతో రెండు జట్లకు చెరో పాయింట్ లభించి నట్లయింది.

ఇక సూర్యకుమార్ యాదవ్ రెండు భారీ సిక్సర్లు బాది రికార్డులను అధిగమించాడు. టీ 20లలో సూర్యకుమార్ యాదవ్ మొత్తం 150 సిక్సర్లు కొట్టి గతంలో ఉన్న రికార్డులను బ్రేక్ చేశాడు. 150 సిక్సర్లు కొట్టిన ఐదో బ్యాటర్ గా ప్రపంచంలో స్కై నిలిచాడు. అత్యంత వేగంగా టీ20లలో 150 సిక్సర్లను కొట్టిన ఘనతను సూర్య దక్కించుకున్నాడు. 150 సిక్సర్లు బాదిన భారత్ లో రెండో ఆటగాడిగా నిలిచాడు. కెప్టెన్ రోహిత్ శర్మ ఈ ఘనతను సాధించిన వారిలో ఉన్నారు. సూర్య కుమార్ యాదవ్ మెరుపు బ్యాటింగ్ ను చూడలేకపోయామని అభిమానులు నిరాశ చెందారు. శుక్రవారం రెండో టీ 20 మెల్ బోర్న్ వేదికగా జరగనుంది. ఈ మ్యాచ్ లో భారత్ గెలిచి సత్తాచాటాలని కోరుకుందాం.